Elfriede Grimmelwiedisch aus Kaltnaggisch

Es Lääwe iss e Lumpedier,
es werft Dich aus em Saddel,
es setzt da hinne e Geschwier,
so wie e faulie Dattel.
Es laaft alleehn de Berch e ruff,
bleibt stehn un waad uff Dich,
kaum guggsch Du widder owwe druff
un freisch Dich Keeniglich,
fliehsch Du e nunner im gallob
weil sich es Lääwe äwe dreht,
huggsch Du im Grawe hallsch Dei Kopp
un dusch da selwa läd.
Drum nemm die Feschde wie se falle
du wamsche, süffele un singe,
die annere Leid die kenne uns alle

Götz vun Berlichinge