VON FRIEDL VOM PROBST*
BAIRISCHE FLEXIBILITÄT*
*********************
Dochdoch, i kannt wo anders lebn,
Muass net grad München sei,
Duat mehra scheene stadter gebn,
I richtet mi scho ei.
Florenz zum beispui daat guat geh,
Hat recht vui charm und wärm,
es fehlt grad a starnberger see,
für den i halt so schwärm.
Und passau is aa wunderschee,
So alt und glei drei flüss!
Bloss- berg san koane in der näh,
Sonst gfallat`s ma ganz gwiss.
Dann denk i aa no an luzern,
A feine, liabe stadt,
Da lebat i ja wirklich gern-
Biergärtn fehln halt, schad.
Und kaltern erst in südtirol!
Da bleib i mit meim schatz,
Da fühlat i mi bsonders wohl-
Bloss ham de koan marienplatz.
Ihr secht`s, mia san ja gar net so
Engstirnig und was sunz*
Uns gfallat`s gradso anderswo-
Wenns so waar, wia bei uns.
SO WARNS HOIT- DE ALTBAIERN* 🙁 😉 🙂
EURE WALDFEE68*
Kommentare