Hässe och schon en Fläträt ????

Hässe och schon en Fläträt ????

Ejal wie alt de jeworde bis, dazu is et nie zu spät
Selbst die aal Frau Schmitz hät jetz och so en flät.
Wenn die disch anröpt, dann bruchste janz vill Ziet,
isch han dreimol tschö jesaht , äwer nix jeschieht.
Die quasselt Disch janz strubbelich un widder jlatt
weil die neuerdingens so en Telefon-fläträt hat.

Mit ehn Stund kütt die nit us, dat werde locker zwei
oft schaltet die öm, dann kannste verzelle mit drei
Der ihre Mann, dä dicke jemütliche Schmitze Jupp
dä is richtich sauer und hät die Papp janz schön up.
Dä will zu Hus sin Ruh han und kinne Dauerverzell
sonst kappt dä die Leitung und dat jing janz schnell.

Do hätt die aal Frau Schmitz ne Schreck bekomme
is in sich jejange und hät sich op ihre Männe besonne,
mäkt et wie immer un tratscht fröhlisch he im Treppehus
dat ist dä dicke Schmitz jewont, dat mäkt dem nix us.

Jetz kütt bei Schmitzens widder jet Leckeres om Disch
un et wöht blänk jeputz, nit immer nur *Kölsche Wisch*
Och Liebe jibbet widder an manche Owend im Bett
dat ist dann richtisch schön, janz ohne die Driess Flät.
Ne, die zwei dont sich lieb jet in et Öhrke verzelle,
die loosse sisch nit störe, loten die Flätmaschin einfach schelle.

© Jenna 🙂 🙂 🙂