Dat neue Vaselümpchen oder Kleiderfragen

Dat neue Vaselümpchen
oder
Kleiderfragen

Ich bin in 14 Dach janz jroß einjeladen, beim Karl un Hilla, denn die trauen sich noch mal und dont heiraten.
Äwer dat Hilla, mäkt ne Buhei us dem Ereichnis, dat kannste nit glauben. Alles nur vom Feinsten, de Lokalität dat Menü
als wenn en Königin hierate däht. Ich mehn, ich jönn dem dat, denn et hät sich lang jenuch anjestrengt öm
dä Karl zu kapere un an sinne voluminöse Busento zu drücke. Un et hät och janz schön Konkerrenz he im Seniorenclub jehat, denn dä Karl is ne pflejeleichte Typ, säht meistens brav zu allem Ja und Amen un et jute Rente hät dä och un sowat ist jefracht.
Nä nit bei mich, wat soll ich mit so ne langweilije Schluppejandi, aber ejal op jede Pott passt ne Deckel oder so ähnlich.
Un nu bruch ich en neues Vaselümpchen, also uf Vorehmdeutsch ein passendes Gewand zu diesem Event.
Ich han also minne Kleiderschrank durchforstet un han nix jefunge für dat Ereichnis un deshalb bin ich jestern
nach Düsseldorf jedüst un han misch dürk die passenden Jeschäfte jearbeitet. Ich bin och im 7 Jeschäft fündich jeworden,
eijentlich wor et en Notlösung, schlicht dunkelblau un damenhaft. För dä Anlaß is et jut un för en Beerdijung kannste dat och bruche,
also is et vielseitisch verwendbar äwer so richtich wohl, nä, fühl ich mich nit. Dat Kleidermanns Käthchen, dat han isch mitjenomme,
wollt mich unbedingt noch ne Hut ofschwatze, äwer da han ich dann jestreikt. Ich un sone Bibi, wo sin mer denn han ich dem jesaat, ich jon doch nit nach de queen Elizabeth.
Jetzt hängt dat elejante Damenkleid he bei misch am Schlafzimmerschrank un ich bin froh dat ich jetz he widder min bequeme
Jeans antrecke kann und widder dat Linde bin un kinn ufjebrezelte Lady.

(c) by Jenna