Advent - mundartlich
Advent
Advent, Advent, desch isch diea Zeit wo jeder rennt!
Diea oina muass no Bredle backa
dr Andre muass no Päckla packa,
dr dritte duat ganz arg pressiera,
muess d`Eisabahn no repariera,
dr nächste der ko`s kaum verschnaufa,
er muess für dr Frau no gschwend was kaufa,
dr andre ja man glaubt es kaum,
dr hot jetzt no koin Weihnachsbaum,
diea oina, diea haut`s glatt vom Sockel,
weil auf am Bauramarkt koin Weihnachtsgockel,
diea Andra krieagt fascht an Infarkt,
so hetzt`se durch dr Wochamarkt
ond isch des Fescht no endlich do,
no bisch KO, wega dem Weihnachtsmo,
den gibt`s ja gar net, des ischa domm`s Gschwätz,
ond wega dem isch g`west diea ganza Hetz,
statt dass mr ruhig wird jetzt im Advent,
ond sich bsennt auf d`Hauptperson es Jesuskend.
mir unbekannter Autor
enzwischa isch auf dr Alb dr Wendr vorbei
wenn obends a jeder em Gärtle romstiert
dr Karle sich noch Weihnachta zom erste mol wieder gscheit rasiert
wenn er Kräuterkäs vespert weil`s Schnittlauch geit
ond dr Kuckuck em Wald noch seim Weible schreit
dann isch auf dr Alb dr Wendr vorbei
dann kommt dr Sommer,
doch zerscht kommt dr Moi.
Isch dr Albaufstief bloß no mit Holländer verstopft
wenn mr Teppich ond Kender wieder em Freia verklopft,
wenn Motorradfahrer em Kurvarausch send
ond dr Krankawaga obends älle sicher hoim brengt
Wenn em Bauer em Keller dr Moscht ausgoht,
dr -goggel om viere morgens auf de Henna schau schtoht
wenn aus der Sofadecke a Feder raussprengt
und Bäuere zum Bauer seit:
Du i glaub em Herbst geits a Kend
Wenn d`Sofie en dr Stub endlich d`Christbaumkugla aufräumt,
von dr Kaffeefahrt zor WMF ona a neua Heizdecke träumt,
wenn`s em Oberland lang schau Kirscha geit
mit dr Schipp z`totschleit
dann isch auf dr Alb dr Wendr vorbei.
Das ist eines der lustigen Lieder von Harald Immig - sehr wahre Worte