Einmal Ostssee un tröch!

  • Einmal Ostssee un tröch!

     klabu antwortete vor 1 Jahr, 5 Monate 5 Teilnehmer · 5 Beiträge
  • RiekeXL

    Organisator
    26. August 2019 um 5:33

    Je, leiw Lüd, up dat "tröch" ward ji noch bit morgen luern möten. Hüt kümmt ierst de ierste Hälft von mienen Reisebericht:

    Eene late Geburtsdagsgaw

    Dat kann ja vörkamen, dat dat mit'n Geburtsdagsgaw nich to rechten Tiet klappen deiht. Denn möt man sick wat anners infallen laten. Hüt is dat modern worden, 'n Gaudschien to öwergäben orrer einfach wat to versprecken. Rieke hett to ehren achtzigsten Geburtsdag so ein Geschenk krägen. Einer von ehr söss Enkel hett ehr 'n Utflug nah ehren Wunsch schenkt. Dat klappte nich gliek, dat klappte nich nah ein Johr, ok nich nah twei, öwer nah drei Johr wier dat denn so wiet. Rieke wünschte sick ganz dull, noch mal ehren Brauder to seihn, de mit söbenunachtzig Johr nich miehr so künn, as he woll wull. Ok in de Gägend, in de se geburen un grot worden wier, harr se sick giern noch mal wedder ümseihn, öwer woans süll dat gahn? Ehr Auto hett se nah 'ne swore Krankheit wechgäben, Mit Bus orrer Bahn kann se nich allein miehr führen, also besünnen se un ehr Enkel in Bayern sick wedder up dat Versprecken. In Juni un Juli wier dat woll to heit, öwer in'n August künn dat mäglicherwies gahn. De Termin wör also up Mitte August fastleggt.
    De Tiet vör de geplante Reis vergüng fix, se wier vull Vörfreud öwer ok Bangnis. Ward dat würklich klappen? Kann se dat schaffen mit all ehr gesundheitlichen Probleme? Kümmt nich wedder wat dor mang? Ierst as einen Dag vör den Termin ehr Enkel noch mal sin Oma anraupen hett, hett se würklich glöwen künnt, dat dat nu tatsächlich los gahn süll. Se packte de Reisetasch mit dat Tüg, wat man wör so'n Wochenenn brukt, Rullstauhl un Rullator stünnen prat. Rieke treckte nah dat Meddagäten 'n nettes Sommerkleed an un täuwte 'n lütt bäten ungedüllig up ehren Enkel. He kem sogor noch iehrer as gedacht. Fix bröchte he allens, wat mit süll, in dat Auto unner un los güng de Fohrt in Richtung Marlow. Dat Navi gew em vör, wo hei führen süll un so kemen de beiden denn ok gaud dor an, direkt vör de Dör von dat schicke Hotel.
    Se nutzten de poor Stunnen bit to'n Abendäten un führten noch mal in den schönen Vagelpark. Oma Rieke kennte em schon un hett Enkel Fiete 'n bäten wat wiesen künnt. Bi de Adebors sünd se ne ganze Tiet blewen. Dor wier grad Faudertiet un de nette Pläger vertellte ehr noch allerhand öwer siene Schützlinge. Man markte, dat he mit Liew un Säl dorbi wier. Rieke hem de groten Hyazintaras siehr gaud gefollen. Se sünd einfach imposant un schön. Dornah wull Rieke unbedingt nah de lütten Loris. Bi de bunten Gesellen is in den Käfig orrig wat los. Dat flattert hen un her un makt dorbi 'n düchtigen Radau. Man dörf hier sogor faudern, öwer blot dat, wat man eigens dorför köfft hett un dat daun väle Lüd. Dat is 'n richtigen Jux, wenn sick disse lütten Papageien up de Hand setten un de flüssige Nahrung tau sick nähmen. Wat wi noch seihn hebben? Geier un anner grote Räuber, Ulen von jede Oort un Grött un noch väl miehr. Fast toletzt hem se noch för Fietes Jung 'n lütten Papagei ut Stoff köfft.
    Nah dat Abendbrot in't Hotel is Rieke so mäud west, dat se all wedder in'n Sessel inschlapen is.
    An'n Sünnabendmorgen gew dat in dat Hotel ein Frühstück, dat wier einfach großorrig! Schon de Kaffe wier ne Wucht! Dat wier 'n ganz annern Kram as de Plürr in't Heim. Up dat Büffe` wier allens dor, wat man sick blot wünschen kann. Na, dat hem Oma un Enkel utnutzt – mal hier 'n Happen, mal dor un denn wieren de beiden proppensatt, dor passte nix mihr rin.
    'N bäten later sünd se nah Ribnitz führt, dor is Rieke geburn un dor wahnt ümmer noch Riekes Brauder Klas, de all söbenunachtzig Johr old is. Sien Kopp is ümmer noch klor, öwer de Knaken willen nich miehr so recht, se sünd afnutzt mit de Johren un dat makt em Probleme. Ierst mal hem wi bi em olle Fotos beseihn. Rieke kennte gor nich alle Minschen dorup wedder, so siehr harren se sick in de lange Tiet, in de se sick nich seihn harren, verännert.

    Na, hett juch dat gefollen orrer nich? Denn lat mi dat ok weiten!
    Rieke!

  • Grietje

    Teilnehmer
    26. August 2019 um 9:05

    Guten Morgen Rieke,
    jo, mi hett dat gefallen. Bin gespannt, wie es weitergeht.
    Gruß, Grietje

  • arabella333

    Teilnehmer
    26. August 2019 um 9:43

    guten morgen..Rieke—- ja..der Bericht ist schön….. und was GUT dabei ist,,,mein Hirn muss richtig arbeiten,,,ich will ja jedes Wort verstehen …… dir und wer es mag einen schönen Tag heute …… Kiebitz Arabella

  • SFath

    Teilnehmer
    26. August 2019 um 11:06

    Dat is woll ´n fiene Reis west. Un ton´n Schnabuleern giff dat ok nog!
    Nu hest du wedder watt för dien Erinnerungsschapp! 🙂

  • klabu

    Teilnehmer
    26. August 2019 um 20:05

    Moin Rieke
    und ihr anderen Damen.
    Du besitzt ein Talent – lebhaft und anschaulich zu erzählen. Das möge dir recht lange erhalten bleiben.
    Danke schön.
    Und – zu deinem Enkel: Glückwunsch, ein Schatz von Mensch.

    Gruß!
    k

Beiträge 1 - 5 von 5

Sie müssen angemeldet sein, um zu antworten.

Hauptbeitrag
0 von 0 Beiträge June 2018
Jetzt

Verstoß melden

Schließen

Jetzt kostenlos Mitglied werden!

Werden Sie jetzt ganz einfach und völlig risikolos Mitglied in der großen Gemeinschaft 50Plus und finden Sie neue Freunde. Völlig kostenlos. Ohne Tricks und Kniffe. Und mit umfassendem Schutz Ihrer Daten gemäß DSGVO.